PROJEK Begraafplaas-rekords – Grafsteen-transkripsie-indeks
Die Grafsteen-transkripsie-indeks het betrekking op individuele grafstene, eerder as op die begraafplaas ('n versameling grafstene). Die Grafsteen-transkripsie-indeks is in wese 'n lys met die transkripsies van grafsteen-inligting per grafsteen en is dus belyn, met die Grafsteenfoto's – soortgelyke inligting in twee formate.
Hou in gedagte dat die Grafsteen-transkripsie-indeks en die Grafsteen-foto's nie noodwendig ooreenstem nie. Jy mag 'n spesifieke naam in die Grafsteen-transkripsie-indeks vind, maar nie op die Grafsteen-foto's nie, en andersom. Dit sal dus die moeite werd wees om op beide die Grafsteen-transkripsie-indeks en Grafsteen-foto's na 'n spesifieke naam te soek.
Die Begraafplaas-rekordsprojek skryf die inligting uit verskillende bronne oor en neem hierdie rekords deurlopend in interne databasisse op. Dit voorsien die inligting om twee indekse te produseer: 'n Begraafplaas-indeks en 'n Grafsteen-transkripsie-indeks. Die Begraafplaas-indeks word gebruik om die rekordering-proses te bestuur en data tussen die Grafsteen-transkripsie-indeks en die Grafsteen-foto's te korreleer. Terwyl die Begraafplaas-indeks hoofsaaklik op die plek (begraafplaas-naam) gerig is, is die Grafsteen-transkripsie-indeks op ‘n persoon (gestorwene se naam) gerig.
Die Grafsteen-transkripsie-indeks word in twee formate onttrek vir publikasie:
-
Die Grafsteen-transkripsie-indeks, wat deurlopend (maandeliks) gedurende die jaar opgedateer word, is beskikbaar as individuele rekords deur die WebWinkel - dit bied 'n soekenjin om spesifieke rekords te kies, dit te koop met ‘n bewys (token) en die inligting af te laai.
-
Daarbenewens word 'n jaarlikse momentopname van die Grafsteen-transkripsie-indeks as 'n Uitgawe gepubliseer. Die nuutste, Grafsteen-transkripsie-indeks, Uitgawe 21, wat in Maart 2023 gepubliseer is, bevat 953,225 name van 3,196 begraafplase. Hierdie Uitgawe van die Grafsteen-transkripsie-indeks is beskikbaar as 'n digitale aflaai via die AanlynWinkel en bevat die volledige indeks (al die rekords), soos op die datum van die Uitgawe.
Aksies
- Skakel na die WebWinkel vir die aankoop van individuele rekords.
- Skakel na die AanlynWinkel van die aankoop van die nuuts uitgwe van die Grafsteen-transkripsie-indeks.