Vaaldriehoektak - Ons storiewa

Hierdie jaar is die vyftiende uitgawe van “Ons Storiewa”. Dit is die geleentheid wanneer al die tak se lede en nie-taklede ’n bydrae kan lewer om in hierdie publikasie as vertoonkas te wys waarmee hulle as amateur en gesoute navorsers en genealoë besig is.

Alle artikels is geskryf om aan die persoonlike vereistes van die navorsers te voldoen en word gepubliseer volgens hul eie skryfstyl. Dit was nog altyd storiegebaseerd, feit of fiksie, met die klem op die idee dat dit "jou storie" is om te vertel. Die meeste van die artikels is goed nagevors en dit het baie 'n platform gebied wat verseker dat hul storie bewaar bly.

Indien mens na die publikasies kyk, besef jy baie gou dat dit nie formele, stywe navorsingspublikasies is nie. Dit is sommer net lekker leesstories en staaltjies en dan besef mens die waarde van “Wat is Genealogie?”