English (United Kingdom)

George St_Marks_cathedral_foto_gillian_mauchanWelkom by nog 'n gesamentlike projek van GGSA en SAGenealogie Gespreksgroep (SAGen).

Die versameling van Kerkfoto's wat voorheen op FOTKI gehuisves was, is nou na die nuwe GGSA webblad oorgedra en sal voortaan as 'n gesamentlike versameling opgebou word.

Die doel van die webblad is nie net om 'n gedeelte van ons kulturele erfenis te bewaar nie, maar ook 'n deel van ons argitektoniese erfenis en die ontwikkeling daarvan. Hoe meer inligting daar oor elke kerk of plek van aanbidding beskikbaar is, hoe groter is die moontlikheid dat hierdie webblad tot 'n belangrike verwysingsbron uitgebrei kan word.

Om die taak van die navorser te vergemaklik is die foto's almal benoem en alfabeties gerangskik volgens provinsie, stad/voorstad/dorp, gemeente en geloofsverband/denominasie. Kerke is volledig soekbaar met behulp van die soek-enjin.

 

GEDRAGSKODE

Verskaf asseblief die naam van u bron(ne) wanneer 'n foto of inligting van 'n kerk of plek van aanbidding van 'n ander bron soos 'n boek of webblad verkry word.

 

Hobbie Stoffberg
(Koördineerder)
Hierdie e-posadres word van Spambotte beskerm. Jy moet JavaScript ontsper om dit te lees.

Verslag Kerk foto's

Written on . Posted in Kerkfoto's

In Julie 2011 is 1 878 foto’s van kerke vanaf Fotki (SAGen) na die nuwe webblad van GGSA oorgedra. Die foto’s is geindekseer en alfabeties per provinsie, stad / voorstad / dorp, gemeente en geloof / denominasie sorteer.

Op 7 November 2011 word die webblad vir die publiek oopgestel. Teen einde Januarie 2012 is daar 2 320 foto’s in die versameling. Hiervan is  2 268 vir die publiek toeganklik en 52 foto’s wat verwerk moet word. Bydraes word voortdurend ontvang en vier maande later op 10 Maart 2012 is daar reeds 2 813 foto’s op die webblad. 2 727 hiervan is sigbaar en 84 agter die skerms.  

Bydraes ontvang van: 

Van hierdie bydraers het voorheen hul foto’s op Fotki gelaai.

Alex van Niekerk, Alta Griffiths, Andrew Kok, Annami Jonker, Anneli Els, Barry Srieger, Basil Royston, Bobbie Crowther, Breda Stasheim, Brian & Fay Lea, Brian Biggs, Charlie Els, Darryl Allwright, Dawie Kernekamp, Derek Walker, Dirk Bloem, Dirk van Heerden, Danie van Heerden, Eckhard von Fintel, Eduan Swanepoel, Elmien Wood, Emile van Heerden, Fanie Blignaut, Fanie Buys, Ferdie van Wyk, Gail Rothner & Stanley Cawthorn, Gillian Mauchan, Glen Swemmer, Glynis Millet Clay, HB Heymans, Helena Garner, Hennie le Roux, Henning Noeth, Hetta Scholtz, Hobbie Stoffberg, Ina Kingsley, Ingrid Lizar, James Anderson, Jaq Benadie, Johan Morgenthal, Johan Viktor, John Deare, Leslie de Klerk, Lizette Svoboda, Mandie Meyburgh Patterson, Marie Greyvenstein, Marielle Ford, Martie du Toit, Martie Fourie, Mike Myburgh, Nico Fourie, Paul Bosman, Peet Schabort, Peter & Beverley Moss, Petrus Fourie, Piet & Janet Uys, Rita Quebbemann, Sha Redfurn, Simon du Plooy, Stephen Botha, Sunelia Heath, Tessa King, Tian Schutte, Vernon R Whittal, Wileen Olivier, Willieta de Swardt.  

 

  • Hits: 10374

Hoe om die webblad te gebruik

Written on . Posted in Kerkfoto's

Alle foto's is gemerk en alfabeties gerangskik volgens provinsie, stad / voorstad / dorp / distrik, gemeente en geloofverband / denominasie. Die navorser se taak word hierdeur vergemaklik.

  • Alle kerke is soekbaar deur die Soekenjin te gebruik.
  • Klik op die landkaart as u in 'n sekere provinsie wil soek.
  • Gaan na die sub-album van die stad of dorp waarin u wil soek.
  • 'n Ligte agtergrond dui daarop dat daar slegs een foto in 'n album is.
  • 'n Donker agtergrond dui daarop dat dit 'n sub-album is en dat die album meer as een foto bevat.
  • Klik op die foto van 'n sub-album om die album oop te maak of om 'n individuele foto te vergroot.

Inligting by die foto's is soos dit in die FOTKI-album verskyn het.

 

  • Hits: 7631

Kontak die Webbladbestuurder

Terugvoer, voorstelle en regstellings word verwelkom.
Kontak asb die Webbladbestuurder